ម្ចុលដំបូង នៃវ៉ាក់សាំង អាស្ត្រាហ្យីនីកា ត្រូវបានចាក់ជូនសម្តេចតេជោ ហ៊ុន សែន និងឧត្តមភរិយាហើយ

វេលាម៉ោងប្រមាណ ៨ព្រឹក ថ្ងៃទី ០៤ ខែមិនា ឆ្នាំ២០២១ សម្តេចតេជោ ហ៊ុន សែន និងសម្តេចគតិព្រឺត្តបណ្ឌិត ប៊ុន រ៉ានី បានអញ្ជើញជាកិត្តិយសក្នុងការចាក់វ៉ាក់សាំង អាស្ត្រាហ្យីនីកា ដែលជាជំនួយរបស់ប្រទេសឥណ្ឌា នៅមន្ទីពេទ្យកាល់ម៉ែត។

នាយករដ្ឋមន្ត្រីព្រះរាជាណាចក្រកម្ពុជា សម្តេចតេជោ ហ៊ុនសែន និងសម្តេចគតិព្រឺត្តបណ្ឌិត ប៊ុន រ៉ានី នឹងចាក់វ៉ាក់សាំង អាស្ត្រាហ្យីនីកាដំបូងគេនៅថ្ងៃនេះ នៅមន្ទីពេទ្យកាល់ម៉ែត នៅវេលាម៉ោង៨ព្រឹកនេះ។

សម្តេចតេជោ ហ៊ុន សែន ធ្លាប់មានបំណងចាក់វ៉ាក់សាំងការពារជំងឺកូវីដ-១៩ ឈ្មោះ ស៊ីណូហ្វាម ដែលជាជំនួយរបស់ចិនផងដែរ ប៉ុន្តែត្រូវបានអាក់ខានទៅវិញដោយសារតែវ៉ាក់សាំងនេះ បានកំណត់អាយុរបស់អ្នកចាក់ត្រឹម៥៩ឆ្នាំប៉ុណ្ណោះ។ ដោយឡែក វ៉ាក់សាំងឈ្មោះ អាស្ត្រាហ្សេនីកា (AstraZeneca/SII) មិនបានកំណត់អាយុអ្នកចាក់នោះឡើយ។ ហេតុដូច្នេះហើយទើប សម្តេចតេជោនាយករដ្ឋមន្ត្រី សម្រេចចាក់វ៉ាក់សាំងនេះ។

គួរបញ្ជាក់ដែរថា វ៉ាក់សាំង AstraZeneca/SII គឺជាវ៉ាក់សាំងជំនួយរបស់មជ្ឈមណ្ឌលកូវ៉ាក់ (COVAX Facility) ដែល វ៉ាក់សាំងនេះបានដឹកមកដល់កម្ពុជាក្នុងដំណាក់កាលដំបូងចំនួន (៣២៤,០០០ ដូស) កាលពីរាត្រីថ្ងៃទី០២ ខែមីនា ឆ្នាំ ២០២១ ៕